Për kë është e destinuar trajnimi

Ky trajnim individual i pavarur është i destinuar para së gjithash për mësimdhënësit në arsimin fillor të cilët ligjërojnë lëndë në të cilat përfshihen tema që lidhen me trafikun dhe sigurinë e fëmijëve në trafik. Trajnimi është gjithashtu i destinuar për të gjithë mësimdhënësit e tjerë që dëshirojnë të përmirësojnë njohuritë e tyre mbi sigurinë e fëmijëve në trafik.

Qëllimi i trajnimit

Trajnimi individual i pavarur përfaqëson një program të strukturuar që realizohet përmes të nxënit të pavarur me qëllim të përmirësimit të njohurive dhe kapaciteteve pedagogjike të mësimdhënësve për trajtimin e temave që lidhen me sigurinë në trafik në kuadër të arsimit fillor.

Përshkrimi i trajnimit

Përmes një qasjeje modulare, trajnimi u mundëson mësimdhënësve të mësojnë me ritmin e tyre, të zgjedhin përmbajtje sipas nevojave të tyre dhe të fitojnë njohuri dhe aftësi konkrete që mund t’i zbatojnë drejtpërdrejt në klasë.

Trajnimi përbëhet nga dy module. Në modulin e parë përfshihen mësime mbi bazat e sigurisë në trafik, ndërsa në modulin e dytë përfshihen mësime që lidhen me sigurinë e fëmijëve në trafik. Çdo mësim përbëhet nga material për lexim dhe prezantim. Në fund, mësimdhënësit mund ta verifikojnë njohurinë e fituar nga trajnimi individual i pavarur përmes një kuizi interaktiv me pyetje.

Autorët e trajnimit

Ky trajnim individual i pavarur është zhvilluar nga prof. Dr. Dragan Jovanoviq, prof. Dr. Dejan Jovanov dhe Rajko Brankoviq përmes Ndihmës Teknike për përmirësimin e sigurisë së fëmijëve në trafik (LRCP-9034-MK–QCBS-A.1.1.2) në kuadër të Projektit për lidhjen e rrugëve lokale, financuar me hua nga Banka Ndërkombëtare për Rindërtim dhe Zhvillim – Banka Botërore.

Fëmijë të sigurt në komunikacion